Kusaluzyana Kulayandika, Kulimumulawo Pesi Takukwe Lugwasyo

By Shingirai Vambe

TONGA

Ikunonoka kwamuzulwidi wanyika kucita ma by-elections antomwe akunonoka kubika mazuba amavoti mupalamende zyeeta kutazikika akubisya zina lyanyika katulangene amatongelo anyika.

tubunga tulimvwilidi tulangana akusalwa kwabiiminini antomwe atubunga tupikisya mulizyakutonga nyika twatondezya kutabotelwa etala akunonoka kwamongameli kuzibisya bantu abuzuba bwama by-elections. alimwi, iZimbabwe Electoral Commission (ZEC) yiinda kabili kuzwida 2018 kusunka bantu akubeja etala e namba yabantu bakalembesya ikuvota mumunyaka wa 2021.

Cizibisyo ceZEC calenga kuti bantu bembungaano zipikisya balibuzye mubuzyo wakuti iZEC ilikubeleka kiilimvwilidi na kana pe.

Mumazuba ayinda waambula kayimvwilidi iZEC wakaambila pepa eli kuti balepenzi lyakujana imali kuti biisye bantu etala akusaluzya biiminini, alimwi cimwi ciindi balikukacilwa kusandula.

iElection Resource Centre (ERC) yaamba kuti ikucedwa kwaamba buzuba bwakuvota zilenga kuti kusalana kubule ilugwasyo. “kusalana kwelede kucitwa kakutanayinda mazuba ali 90 musule mwakuti cuuno tacicikwe muntu, buzuba bwakusalana bwelede kuzibisigwa bantu. kuti bantu bazosalane kakuli kwasyala myezi yotatwe kaziya ku 6 months kuti bantu bakavotele biimina inyika yoonse nga tazicikwe lugwasyo” Solomon Bobosibunu Musaka ulaamba.

“Cilenga kuti iERC iyinke kulibasimulawo ninkani yakuti kulimilawo yakatyoolwa, iyi zilimumulawo alimwi zyelede kucitwa pesi tazikwe lugwasyo pe” ulaamba Musaka.

“kwiimika kusalwa kwabiiminini muma by-elections kweelede kwiimikwa, zilimumulawo kuzicita ezi, tweelede kuzicita ezi alimwi zyiisi zitakwe biiminini zyakelede kucitilwa mavoti muccindi cibikidwe mumulawo.

“Kwiita mavoti kulalenga kuti kusandulwe kweenzegwa kucitwa misaluzyo, ezi zilikuyandwa kale embungano zipikisya, zimwi zyadeni kusandulwa kwenzila zyakuvota, lugwalo lwabavota, kuzumizya i media, kufundisya basikuvota antomwe akulembesya kuvota” (biometric voter registration) Musaka ulaamba.

IZimbabwe Election Support Network yakaambila iPost on Sunday kuti tikede kabotu mukwiindila mumilawo ilangene aciindi cakajalwaaco kulembesya kuvota.

“zilamvwisisika kuti lugwalo lwabalembesya kuvota lweelede kujalwa kakuliciindi cakuti lulangisisigwe kucitila kuti batasalwe basalwe abantu bakalembesya kuvota” iZESN ilaamba. pesi ikabunga kalangana ezyamavoti kalisolede eciimo cakatolwa aZEC kulibakalembesya mu2021.

Imbungano ilangana ezyamavoti lilikukumbila fulumende antomwe eZEC kuti bajulile bantu kulembesya muzigaba zitanosaluzye biiminini.

Zyakazwa mu2021 mukulembesya kweZEC kwakusanguna akwaabili zyakasiya bantu kabasolede mukwinda kuti ma number akagwisigwa embungaano zilimvwilidi izyabantu bakagwasigwa kulembesya zilisiyene azye ZEC. Imbungaano ezi zyakagwasya bantu basika 9 971 pele iZEC yaamba kuti kwakalembesya bantu basika 2 971.

Basicuuno we Zimbabwe Socio-economic Democrats (ZSD) Nkosikhona Ndlovu waamba kuti imbungaano zipikisya mulizyakutonga inyika zileke kunjila mumisaluzyo eyi nkaambo iZEC yakacilwa kubamba kabotu kulembesya basikuvota. zita kacizye bayelede kulembesya kwakusanguna kuti bavote.

“Ziletambalala kuti ibacikula babhidwa ciindi cabo cakuti bavote akulisalila biiminini mbuli mbuzilembedwe mumulawo ikuti weense muntu ulimuciimo cakuvota weelede kulembegwa mulugwalo lwabasikuvota” ulaamba Ndlovu.

I ZSD yamba kuti baalezyuuno balikubelesya nguuzu enzila italuleme, alimwi balikusaluzya milawo njibayanda kutobelezya. zimwi mbungano zyakakasigwa kucita zyakutonga nyika, pesi iZanu Pf yalikwinkila kunembo amabambe ayo kitatobelezyi mulawo welockdown wakiimikide ma by-elections.

“mbuli ZSD citigambya ncakuti iZEC iluumwine etala abavota kabala kulizimwi nyika, nkaambo mumulawo beelede ikuvota, pele ilikuti mabambe amavoti enyika mu2023 akalunga.

“Alimwi tulikukumbila imbungaano zipikisya kuti zilekane amavoti ama by-elections akabikwa pa 26 March ayanda mali isika $1.5 billion, alimwi alwanine kuti kusandulwe nzila zyakubamba akucita mavoti, kusandulwe milawo yakuvota kuti yendelane amulawo wenyika, iZEC ibeleke kilimvwilidi ayilike alimwi bantu beendelwe kolembesegwa kuvota (mobile voter registration) kucitila kuti muntu wense apegwe ciindi cakulembesya kuvota” ulaamba Ndlovu.

kuyungizya kulizezi, balimene abalabo bakumbila kupegwa cindi ciyendelana abamwi bantu boonse akujatwa kabotu mumabambe akulembesya kuvota nkaambo nga basyala kumbali.

bantu baace bakuManicaland bakabuzya pepa eli kuti balikukasigwa kunjila kobhazya muma office eZEC muZimbabwe, alimwi balikukumbila kapati kuti iZEC injile mubantu kiyobubhazya balimene kucitila kuti abalabo bajane ciindi cakuvota mbuli zyaambwa amulawo wanyika.